♥ ♥ ♥ MAMA & PÄPU ♥ ♥ ♥

D’NICOLE UND DR SIMON HEI SICH IM 2003 IM SALOON Z’MADISWIU KENNE GLEHRT.D’NICOLE HET DENN DERT HINGER DR BAR GSCHAFFET UND DR SIMON ISCH ÖPE AUS GASCHT VERBI GANGE.ZU DÄM ZYTPUNKT SI ABER BEIDI NO IRE ANGERE BEZIEHIG GSI.

SO NACH ÄME HAUBE JOOR ISCH DR SIMON ÖFTER IM SALOON VERBI GANGE UND D’NICOLE HET SCHNÄU GMERKT,DASS SIS INTERÄSSE A IHRE GROSS ISCH.SI WÖU SICHER KE BUR,HET SI IHM KLAR Z’VERSTO GÄ.SINI ÄNDTÜSCHIG ISCH GROSS GSI ! AS UFGÄ HET ÄR ABER NO LANG NID DÄNKT.EINÄHAUB JOOR LANG ISCH DR SIMON Ä FLIISIGE BAR-BSUECHER GSI.GÄNG HET ÄR DRUF GHOFFET,ÄNDLI ÄR NICOLE IHRES HÄRZ Z’GWINNE.

EINISCH,MITTI JUNI 05,ISCH DR SIMON GAR NID GUET GLUUNET IM SALOON VERBI GANGE.ÄR HEIG HÜT MIT SIRE „CHURZ-ZYT-FRÜNDIN“ SCHLUSS GMACHT,ÄS HEIG FÜR IHN NÜM GSCHTUMME….DRZUE NO Ä STÜRMIGE GASCHT WO DR SIMON DUMM AZÜNDET UND NID GRAD LIÄB MIT IHM HET GRED.DO HET DR SIMON ZUR NICOLE GSEIT:GLOUB JETZ CHA MI NUME NO Ä KUSS VO DIR RETTE ! D’NICOLE HET IHM EIGENTLI NUME ZUM TROSCHT Ä SCHMATZ Z’MITTS UF’S MU GÄ.DO DRA CHÖNNT ÄR SICH GWÖHNE,ISCH D’ANTWORT DRUF GSI.UND D’NICOLE HET GFUNGE:MMH,SI DI LIPPE SCHÖN WEICH.BIS AM FÜROBE ISCH DR SIMON AR BAR BLIBE HOCKE UND HET D’NICOLE FASZINIERT BEOBACHTET.ÄR HET SICH ÄRHOFFT NACH FÜROBE NO CHLI MIT DR NICOLE CHÖNNE Z'PLÖIDERLE.ABER NEI,DI HET GFUNGE AM ZWÖI GHÖRT ME IS BETT.SI HET DR SIMON CHURZ VERABSCHIDET UND ISCH GANGE.UND GLICH HET SI DU DI NÖCHSCHTE TÄG VIU AM SIMON UMEGSCHTUDIERT.NID MOU Ä ADRÄSSE ODER ÄS TELEFON-NUMMERO HEI SI VONANG GWÜSST.

PAAR TAG SPÖTER ISCH SI AUS GASCHT I SALOON,IR HOFFNIG DR SIMON Z’TRÄFFE.ÄR ISCH MIT ÄRE KOLLEGIN DERT GSI.WIU D’NICOLE NID HET GWÜSST WIS JETZ ZWÜSCHE INE STEIT HET SI IHN EIFACH MIT 3KÜSSLI BEGRÜESST.GANZ VERDUTZT HET ÄR SI DU ID ARME GNO UND GMEIT ÄS SIG SCHÖN,DASS SI SIG CHO.SOFORT HEI SI IHRI NUMMERO USTUSCHET,NID DASS DAS WIDER VERGÄSSE GEIT.SPÖTER HEI SICH DI ZWÖI SCHO CHLI VERLIÄBTE ZRUGG ZOGE.ÄS HEI JO NID GRAD AUI BRUCHE Z’WÜSSE,DASS DO ÖPIS AM ÄNTSTO ISCH.DRUM SI DI ZWÖI IS LINGEHOUZ ZUM BAHNOF GFAHRE.DERT SI DI ERSTE ZARTE BANG KNÜPFT WORDE.WIU DR SIMON ABER AM NÖCHSCHTE TAG MIT DR CHÄSI ISCH GO REISE,HEI SI SICH NACH PAAR HEISSE KÜSS VERABSCHIDET.

DR SIMON HET DE GRAD UFS NUMMERO WO ÄR JO JETZ HET GHA AGLÜTE,FÜR NOMOU IHRI STIMM Z’GHÖRE.UUPS,Ä MANNESTIMM NIMMT Z’TELEFON AB.DR SIMON ISCH SO GSCHOCKT,DASS ÄR GRAD WIDER UFHÄNKT.SCHEISSE,DI ISCH VERHÜROTET;DÄNKT ÄR SICH.Ä ARUEF UF ÄM NATEL KLÄRT DU DAS MISSVERSTÄNDNIS.IRGENDWIE HET D’NICOLE ÄUE NID AUI TASSE IM SCHRANK GHA,WO SI ÄM SIMON S’NUMMERO VO IHRNE ÖUTERE HET GÄ….

VO DENN A HEI DI ZWÖI JEDE TAG ZÄME VERBROCHT.DR SIMON HET ÄR NICOLE DR HOF ZEIGT UND ÄRKLÄRT,DASS SI NIE MÜESS Ä BÜRI WÄRDE,ÄS SIG NÜM SO WI FRÜECHER.SCHO NACH Ä PAAR WUCHE HET SI IHRI WOHNIG UFGÄ UND ISCH ZUM SIMON UF Ä HOF ZÜGLET.AUS ISCH CHLI SCHNÄU GANGE,ABER DI ZWÖI HEI GWÜSST,DASS SI FÜR IMMER WEI ZÄME BLIBE.DRUM HEI SI DE OU SCHO 7MÖNET SPÖTER GHÜROTE !