Freunde vonGästebuch
Hallo Ihr 3
Mir hend Eu zu Euäm süässä Töchterli ganz fescht wellä gratulierä!
Gnüssäd Eui gmeinsami Ziit,...es isch eifach wunderschön!
Hoffä Du häsch ä guäti Geburt gha und häsch Di scho chli chönnä erholä?
Mir hettäd jo fascht dä gliichi ET gha,... aber üsi Babys sind denn doch unterschiedlich "schnell" uf d'Welt cho!
Üsä Justin hät am 04.01.2011 s'Liächt vo dä Welt erblickt,..und mir sind uu glücklich das alles guät gangä isch!
Mir wünschäd Eu uf däm Weg alles Liäbi und Guäti
Simone und Familiä
Simone
Freitag, 21. Januar 2011
Herzlichen Glückwunsch!!!
Jasmin
Donnerstag, 20. Januar 2011
Hoi zämä
Nach langem Warte, mehrmlos täglichem *klick* (esch sie denn ääändlich ufd Wält cho??), gsehni die super News!
Esch e wunderschöne chliine Ängel! Alles, Gueti idr erste Kännälehrziit ond natürlich för dr Läbeswäg met dr Lenja. Öbrigens sehr e schöne Name!
LG Claudia
Claudia
Donnerstag, 20. Januar 2011
hoi zäme
i gratuliere vo Härze zu euer Tochter ... ganz ä schöne Name het das chline Fräulein :)
bi froh ändlech vo euch z läse,bi scho fasch chli verzwiflet ...
häbet ä wunderbari Ziit zäme und gniesset jedi Sekunde mitenang ...
Grüessli Stephanie Yannis & Baby Februar 2011
Stephanie E.
Donnerstag, 20. Januar 2011
Ändli het s'Warte äs Ändi gno...
Ha grad im FB di Status äntdeckt und fröie mi mit öich!
Gratuliere ganz ♥-lech zu öire LENJA ELIN!
Hoffentli isch aues guet gange...
Wünsche ganz ä schöni Kennelerzyt!
Liäbi Grüess vo üs 4ne
VENUS
Samstag, 15. Januar 2011
Wir warten auch noch und langsam werd ich nervös. Unserem Kind gefällts auch zu gut im Bauch. CTG zeigt keine einzige richtige Wehe und spüren tu ich auch nix :-( dabei warten wir schon so und möchten sie endlich im Arm halten!
Lieben Gruß dir und hoffentlich eine baldige und schnelle Geburt! Elsa, 3 Tage drüber...
Elsa
Montag, 10. Januar 2011
Hallo dir drü
Bi genau glich närvös wie dir ou. Jedesmau wenn ds Telefon lütet renne i los...u wieder isches nüt. Liebi Anita i wünsche dir no ganz gueti Täg, o wenn si chli läng u beschwärlech si. Es geit ja nüme lang, vilech ja scho morn (: ... Mir dänke viu a öich. E grosse Muntsch und es Grüessli us Wisi
ds Grosi us Wisi
Montag, 10. Januar 2011
heiheihei wenn gahts denn entlich los, i lueg jedä Tag gspannt uf s Natel bis i mal es Telefon oder es SMS bechumm das es entlich da isch. freu mie riesig.-) Grüässli s Gotti
S Gotti
Dienstag, 4. Januar 2011
Hallo, nun sind wir beide im Endspurt :-) nur noch wenige Tage bis ET. Beim ersten Kind konnt ichs auch kaum erwarten, aber diesmal wär ich froh, wenns nicht früher kommt sondern eher nach ET. Obwohl es schon sehr beschwerlich ist und alles nur noch weh tut.
Ich wünsch dir alles Gute für die Geburt und dass sie schnell und komplikationslos verläuft!
Lg, Elsa
Elsa
Samstag, 1. Januar 2011
Kommentar vom Dienstag, 4. Januar 2011
Danke wünsche dir auch alles gute für die Geburt.
Von mir aus kann es endlich mal los gehen:)
Liebe Grüsse
Freitag, 21. Januar 2011